პროექტებზე მუშაობის წარმართვა

პროექტებზე მუშაობის წარმართვა  

მარზანო, პიქერინგი და ფოლოქი თავიანთ წიგნში „ეფექტური სწავლება სკოლაში“ (2001, გვ.146), განიხილავენ ფასილიტაციის სტრატეგიებს, რომლებიც მასწავლებლებმა მოდულის სხვადასხვა ეტაპზე უნდა გამოიყენონ:  

• მოდულის დასაწყისში გამოიყენეთ სტრატეგიები სასწავლო მიზნების დასახვისთვის.  
• მოდულის მსვლელობისას გამოიყენეთ სტრატეგიები:

o    სასწავლო მიზნებისკენ პროგრესის მონიტორინგისთვის

o    ახალი ცოდნის დანერგვის მიზნით  

o    მიღებული ცოდნის პრაქტიკის, გადასინჯვისა და გამოყენებისთვის

• კონკრეტული მოდულის ბოლოს  გამოიყენეთ სტრატეგიები, რათა დაეხმაროთ მოსწავლეებს, განსაზღვრონ, თუ რამდენად ეფექტურად მიაღწიეს თავიანთ მიზნებს.  

ფასილიტაციის სტრატეგიები ხელს უწყობს სასწავლო პროცესს და მეორე მოდულში (ჩემი მოდულის დაგეგმვა) განხილულ შეფასების სტრატეგიებს ჰგავს. გადახედეთ ფასილიტაციის მოცემულ საშუალებებს და იფიქრეთ, თუ როგორ გამოიყენებდით მათ.

ფასილიტაციის სტრატეგიების მაგალითები

მოდულის დასაწყისი

მეთოდები მიზნების დასახვისათვის:

·         პრეზენტაციები, რათა წაახალისოთ ცნობისმოყვარეობა და გააღვივოთ მოსწავლეთა ინტერესი.  

·         პრეზენტაციები ან პუბლიკაციები მოსწავლეებთან და/ან მშობლებთან  ჯგუფისა და პროცედურების მოლოდინებისა და ვადების განხილვისთვის.   

·         დაბეჭდილი პროექტის გეგმა, რომელიც მოსწავლეებს ეხმარება, გაიგონ და უპასუხონ მოდულის მოლოდინებს, ფაზებსა და საბოლოო ვადებს.

·         ელექტრონული კავშირი მშობლებთან, ინტერნეტის გამოყენებით, რათა განსაზღვროთ და ნათლად განმარტოთ პროექტის ძირითადი ეტაპები.

·         კვლევა ინტერნეტის გამოყენებით, რათა შეგროვდეს პირველადი ცოდნა, ინტერესები და შესაძლებლობები.  

მოდულის მსვლელობაში

მეთოდები პროგრესის მონიტორინგისთვის:

·         ცხრილები ან სპეციალური ფორმები თითოეული მოსწავლის ან ჯგუფის მიერ შესრულებული დავალებების შესახებ მონაცემების შესაგროვებლად.  

·         კავშირი მშობლებთან ელექტრონული ფოსტით ან სხვა საშუალებით, მოსწავლის მუშაობის შესახებ მათი ინფორმირების მიზნით.

·         საკონტროლო სიის წარმოება, მოსწავლეთა მხრიდან 21-ე საუკუნის ცოდნისა და უნარების გამოვლენის აღრიცხვის მიზნით.

მეთოდები ახალი ცოდნისა და უნარების გასაზიარებლად:

·         ინტერნეტრესურსები, როგორიცაა ვიკები და ბლოგები, რომელთა გამოყენებითაც მოსწავლეებს შეუძლიათ, აწარმოონ კვლევა.   

·         პრეზენტაციები წინასწარი ცოდნის გამოსავლენად, ახალი კონცეფციების გასაცნობად ან პროცედურების შემდგომი ეტაპის წარსადგენად.  

·         პროექტირების მასალები ინტერაქციული აქტივობებისთვის, საკვანძო კონცეფციებისა და უნარების წარდგენის მიზნით.   

ინსტრუმენტები ცოდნისა და უნარების პრაქტიკის, გადასინჯვისა და გამოყენებისთვის:  

·         ინტერნეტრესურსები მოსწავლეთათვის გაკვეთილებისა და აქტივობების დაარქივებისთვის; რესურსების ბმულებისა და რეკომენდაციების მიცემა; რესურსების გამოყოფა თანამშრომლობის უზრუნველსაყოფად.

·         პრეზენტაციები 21-ე საუკუნის უნარების საჩვენებლად ან ყოველდღიური მოქმედებების გასაცნობად.  

მოდულის დასასრული

ინსტრუმენტები მიზნების შესაფასებლად:

·         ონლაინკვლევები, ფორმები და ინტერნეტრესურსები შესამოწმებელი კითხვებისა და ახალი მიზნების დასახვისათვის.   

·         პრეზენტაციები მუშაობაში ჩართული მოსწავლეების ფოტოებით, რომლებიც ასრულებენ პროექტის დავალებებს. გამოიყენება პროექტის დასრულების შემდგომი განხილვისთვის და ჯგუფური მსჯელობის წახალისებისთვის.

·         ელექტრონული ცხრილები და ფორმები მოსწავლეების მონაცემთა შეგროვებისა და ანალიზისთვის.

·         ინტერნეტ-ვიკები ან ბლოგები პროექტის შედეგების გასავრცელებლად.   

მითითებული მასალები:

რ.ჯ. მარზანო, დ.ჯ. ფიქერინგი და ჯ.ე. ფოლოქი (2001). „ეფექტური სწავლება სკოლაში: კვლევაზე დაფუძნებული სტრატეგიები მოსწავლეთა მიღწევების გასაუმჯობესებლად“. ალექსანდრია, ვირჯინიის შტატი: ზედამხედვევობისა და სასწავლო გეგმის შემუშავების ასოციაცია.